કોરોના મુદ્દે ઘેરાયેલી સરકારે પ્રાણાયમ અને ગાયત્રી મંત્રનો આશરો લીધો છે. વિજ્ઞાન અને તકનીકી વિભાગ દ્વારા ઓલ ઈન્ડિયા ઇન્સ્ટિટ્યૂટ ઓફ મેડિકલ સાયન્સિસ (એઈમ્સ) માં ક્લિનિકલ ટ્રાયલ શરૂ કર્યા છે, જેમાં કોરોના દર્દીઓ પર ગાયત્રી મંત્રના પ્રભાવને લગતું પરીક્ષણ શરૂ થયું.
ઋષિકેશમાં ચાલી રહેલા 40 દર્દીઓની ક્લિનિકલ ટ્રાયલમાં 20 દર્દીઓની એલોપેથીક સારવાર ચાલુ છે અને 20 દર્દીઓને સવાર-સાંજ પ્રાણાયામ કરવાનું કહેવામાં આવ્યું છે. આ દર્દીઓ 10-10 ના જૂથોમાં વહેંચાયેલા છે.
પ્રાણાયામ સાથે ગાયત્રી મંત્ર
એક જૂથને સવારે એક કલાક પ્રાણાયામ સાથે અને બીજા જૂથને સાંજે પ્રાણાયામ સાથે ગાયત્રી મંત્રનો પાઠ કરવાનું કહેવામાં આવે છે. 15 દિવસમાં એલોપથી અને પ્રાણાયામથી દર્દીઓના સ્વાસ્થ્યમાં તફાવતનો તુલનાત્મક અભ્યાસ કર્યા પછી, તે નક્કી કરવામાં આવશે કે કોરોના દર્દીઓએ પ્રાણાયામ આધારિત સારવાર લેવી જોઈએ કે નહીં.
એમ્સ, ફેફસાના નિષ્ણાત ડો. રુચિ દુઆના માર્ગદર્શન હેઠળ ટ્રાયલ ચાલું છે. ડો.રૂચિનો દાવો છે કે કોરોના દર્દીઓને શ્વાસ લેવામાં તકલીફ પડે છે તેથી પ્રાણાયામનો વિકલ્પ ધ્યાનમાં લેવામાં આવ્યો છે.
