દેશમાં જ્યાં કોરોના ઝડપથી ફેલાઈ રહ્યો હતો ત્યારે રસીકરણ પછી દર્દીઓની સંખ્યામાં પણ ઘટાડો થયો છે. કેન્દ્ર સરકારે શનિવારે એક પ્રેસ કોન્ફરન્સમાં કહ્યું હતું કે ભારતમાં છેલ્લા 17 દિવસમાં દૈનિક ધોરણે નવા કોવિડ -19 કેસોની સંખ્યામાં ઘટાડો જોવા મળ્યો છે.
કેન્દ્રએ બેઠક દરમિયાન જણાવ્યું હતું કે છેલ્લા 15 અઠવાડિયામાં લેવામાં આવેલા કોવિડ ટેસ્ટની સંખ્યામાં 2.5 ગણો વધારો થયો છે. તે જ સમયે, સાપ્તાહિક પોઝિટિવિટી રેટમાં છેલ્લા બે અઠવાડિયામાં સતત ઘટાડો જોવા મળ્યો છે.
જોકે, નવી દિલ્હી સ્થિત એઇમ્સના પ્રમુખ ડો. ગુલેરિયાએ કહ્યું કે, કોરોના ચેપ મટાડ્યા પછી પણ ઘણા લોકોને કેટલાક લક્ષણો હોઈ શકે છે જે તેમણે બતાવ્યા. આવા લોકોને તાત્કાલિક સારવારની જરૂર હોય છે. એઈમ્સના અધ્યક્ષના જણાવ્યા અનુસાર, જો શરીર 4 થી 12 અઠવાડિયા સુધી આ લક્ષણો બતાવે છે, તો તેને ઓનગોઇંગ-પોસ્ટ કોવિડ એક્યુટ સિન્ડ્રોમ કહેવામાં આવે છે.
ડો. ગુલેરિયાના કહેવા મુજબ, કોવિડ પછી શ્વાસ લેવામાં મુશ્કેલી એ એક સામાન્ય લક્ષણો છે. તેમજ કેટલાક લોકોને ફેફસાની સામાન્ય ક્ષમતા હોવા છતાં ચાલવામાં તકલીફ પડે છે.
છાતીમાં દુખાવો, માથાનો દુખાવો, જડતા અને થાક જેવી ફરિયાદો એ આના જ લક્ષણો છે. કેટલાક લોકો કોવિડ -19 માંથી સ્વસ્થ થયા પછી પણ કેટલાક અઠવાડિયા સુધી ઉધરસ ચાલુ રહે છે અને તેમાં પલ્સનો દર પણ વધારે હોય છે. ગુલેરિયાના જણાવ્યા અનુસાર, આ સામાન્ય લક્ષણો શરીરની નબળી થયેલી રોગપ્રતિકારક શક્તિના કારણે હોઈ શકે છે.
ક્રોનિક ફેટિંગ સિન્ડ્રોમ પણ તે લોકોમાં જોઇ શકાય છે જેઓ કોવિડ -19 થી સ્વસ્થ થયા છે. આવા લોકો સાંધાનો દુખાવો, થાક, શરીરમાં દુખાવાની ફરિયાદ કરે છે. તેને સારવારની જરૂર છે. એઈમ્સ પ્રમુખે કહ્યું કે, જેમ જેમ રિકવરી દર વધશે તેમ તેમ, મલ્ટિ-ડિસિપ્લિનરી પોસ્ટ-ટ્રીટમેન્ટ ક્લિનિક વિકસાવવાની જરૂર છે.
આ સિવાય સોશ્યલ મીડિયા પર કોવિડ -19 માંથી સાજા થતાં દર્દીઓમાં એક અલગ પ્રકારનો રોગ જોવા મળી રહ્યો છે. જેને નામ આપવામાં આવ્યું બ્રેઈન ફોગ. તેના કારણે મગજમાં એકાગ્રતાનો અભાવ દર્શાવે છે. આ માટે, કોવિડથી સ્વસ્થ થયા પછી લોકોના પુનર્વસન અને મેડીટેશનની પણ વ્યવસ્થા કરવી જોઈએ.
