જ્યારે તમને ડાયાબિટીસ હોય ત્યારે તમે જે ખાઓ છો તેના પ્રત્યે તમારે સજાગ રહેવાની જરૂર છે. તમે કયા કાર્બોહાઈડ્રેટનું સેવન કરો છો અને તે તમારા બ્લડ સુગરને કેવી રીતે અસર કરી શકે છે તે જાણવું અગત્યનું છે.
ડાયાબિટીસમાં શૂન્ય અથવા ઓછી કેલરીવાળા પીણાં સામાન્ય રીતે તમારા માટે શ્રેષ્ઠ હોય છે. નીચે મુજબના 5 પીણાં છે જે ડાયાબિટીસના દર્દીઓ માટે ખૂબ ફાયદાકારક હોઈ શકે છે.
આમળાનો રસ: આ આયુર્વેદિક દવા તમારા ડાયાબિટીસને મટાડી શકે છે. બ્લડ સુગર લેવલને નિયંત્રિત કરવા માટે આમળાના રસમાં બે ચમચી હળદર પાવડર મિક્સ કરીને સવારે પીવો.
હાઈ લેવલ સુગરને કન્ટ્રોલ કરવા માટે આમળાને પરંપરાગત અકસીર ઈલાજ માનવામાં આવે છે. આ સાથે તમે આમળાનું સેવન કરીને ઘણા વધુ આશ્ચર્યજનક લાભ મેળવી શકો છો.
પાણી: જ્યારે હાઇડ્રેશનની વાત આવે છે ત્યારે ડાયાબિટીસવાળા લોકો માટે પાણી શ્રેષ્ઠ વિકલ્પ છે. કારણ કે તે તમારા બ્લડ સુગર લેવલને વધારતું નથી.
હાઈ બ્લડ સુગર લેવલ ડિહાઈડ્રેશનનું કારણ બની શકે છે. વધારે પ્રમાણમાં પાણી પીવાથી તમારા શરીરને મૂત્ર દ્વારા શરીરમાંથી વધારાનું ગ્લુકોઝ અને સુગર દૂર કરવામાં ઘણી મદદ મળશે. તમે પાણીમાં લીંબુ, ફુદીનો અને તુલસીના પાંદડા ઉમેરી શકો છો.
ગ્રીન ટી: ઘણા સંશોધનોએ બતાવ્યું છે કે ગ્રીન ટી તમારા સામાન્ય સ્વાસ્થ્ય પર અસર કરે છે. તે તમારા માટે ડાયાબિટીસનું જોખમ ઘટાડી શકે છે.
જો તમે હર્બલ ચા પસંદ કરો છો, તો તમારે તેમાં ખાંડ ઉમેરવાનું ટાળવું જોઈએ. તમે તેમાં લીંબુના થોડા ટુકડા ઉમેરી શકો છો.
પાલકનો રસ: પાલક ફોલેટ, ડાયેટરી ફાઈબર અને તે ઉપરાંત વિટામીન A- B – C – E અને K નો ઉત્તમ સ્ત્રોત છે જે પાચનને ધીમું કરવામાં મદદ કરે છે. તેનું સેવન કરવાથી સુગરનું ચયાપચય ઝડપી થતું નથી અને લોહીમાં શર્કરાનું સ્તર વધતું નથી.
દૂધ: ડેરી ઉત્પાદનો દરરોજ તમારા આહારમાં શામેલ થવું જોઈએ. તેમાં મહત્વપૂર્ણ વિટામિન્સ અને ખનિજો છે. હંમેશા ઓછી ચરબીવાળું દૂધ પસંદ કરો.
