જેવી રીતે જીરું શરીર માટે ગુણકારી છે તેવી જ રીતે કાળું જીરું પણ ઉપયોગી મસાલો છે. ઘણી વાનગીઓમાં તેનો ઉપયોગ પણ કરવામાં આવે છે.
સામાન્ય જીરા કરતાં આ જીરૂ ગરમ તાસીર નું હોય છે. તેથી તેનો ઉપયોગ શિયાળા દરમિયાન વધારે થાય છે. આજે તમને કાળા જીરા નો ઉપયોગ કરવાથી કઈ કઈ બિમારીઓથી બચી શકાય તે જણાવીએ.
કાળું જીરું અનેક ઔષધીય ગુણોથી ભરપૂર છે. તેના પોષક તત્વોની વાત કરીએ તો તેમાં વિટામિન, એન્ટી ઓક્સીડંટ ગુણ ભરપૂર હોય છે. તેનું સેવન કરવાથી શરીરની કેટલીક બીમારીઓને શરીરમાં વધતી અટકાવી શકાય છે.
જો શરીરમાં રક્તની ઊણપ હોય તો કાળા જીરાનું સેવન કરવું. જે લોકોના શરીરમાં આયર્નની ઉણપ હોય તેમને એનિમિયા થઈ શકે છે. જો તમે કાળા જીરાનો ઉપયોગ કરો છો તો શરીરમાં ઝડપથી નવું રક્ત બને છે અને એનિમિયાનો રોગ થતો અટકે છે.
સંશોધન અનુસાર કાળા જીરામાં એવા ઘણા તત્વો હોય છે જે શરીરમાં કેન્સરના કોષોને વધતા અટકાવે છે. સાથે જ તેનું સેવન કરવાથી કેન્સર ની બીમારી સામે લડવાની શક્તિ પણ વધે છે.
તેમાં રહેલા પોષક તત્વો શરીરની રોગપ્રતિકારક શક્તિને ઝડપથી વધારે છે અને કોઈ પણ રોગની સામે લડવાની ક્ષમતા વધારે છે. તેનું સેવન કરવાથી ખોરાક પણ સરળતાથી પચે છે.
કાળા જિલ્લામાં એવા તત્વો હોય છે જે શરીરના બ્લડ શુગરને ઓછું કરે છે. તેનાથી ડાયાબિટીસની બીમારી પણ દૂર થાય છે. ડાયાબિટીસના દર્દીઓએ આ જીરાનો ઉપયોગ જરૂરથી કરવો.
જે લોકોની ફરિયાદ હોય છે કે તેમનું વજન સતત વધી રહ્યું છે તેમના માટે પણ આ જીરૂ ઉપયોગી છે. તેમાં રહેલું ફાઇબર શરીરને ઊર્જા આપે છે અને વારંવાર લાગતી ભૂખ દૂર કરે છે. વારંવાર ભૂખ ન લાગવા થી વજન વધતું અટકે છે.
કાળા જીરામાં એન્ટી બેક્ટેરિયલ ગુણ પણ હોય છે જે શરીરને કોઈ પણ પ્રકારના રોગના સંક્રમણથી બચાવે છે.
