રસોઈમાં ઉપયોગમાં લેવાતી હળદર એન્ટીસેપ્ટિક ગુણોથી ભરપૂર છે. આયુર્વેદમાં હળદરનું અલગ-અલગ રીતે ઉપયોગ કરવાનો વર્ણન મળે છે.
હળદરને જ્યારે દૂધ સાથે લેવામાં આવે છે તો તેના ગુણ વધી જાય છે. નિયમિત રીતે હળદરવાળું દૂધ પીવાથી શરીરની ઘણી બીમારીઓ દૂર થઈ જાય છે.
તેમાં પણ જો તમે રોજ સવારે ચા પીવાને બદલે હળદર વાળું દૂધ પીશો તો તમને અઢળક લાભ થશે. આ દૂધ પીવાથી શરીરની અનેક બીમારીઓ દૂર થઈ જાય છે.
હળદરમાં એન્ટિસેપ્ટિક અને એન્ટિબાયોટિક ગુણ હોય છે. દૂધ કેલ્શિયમથી ભરપૂર હોય છે. આ બંને વસ્તુનું મિશ્રણ સાથે લેવાથી શરીર અને મગજ બન્ને ને લાભ થાય છે.
જો શરીરના અંદરના અંગો માં કોઈ ઈજા થઈ હોય કે કોઈ સમસ્યા હોય તો નિયમિત રીતે હળદરવાળું દૂધ પીવાથી તે ઇજા ઝડપથી મટી જાય છે. હળદરવાળું દૂધ પીવાથી શરીરની અંદર બેક્ટેરિયા વધતા નથી અને કોઈ સમસ્યા હોય તો તે પણ દૂર થઈ જાય છે.
પ્રદૂષણ અને પોષણયુક્ત આહાર ના અભાવના કારણે નાની ઉંમરમાં લોકોને ત્વચા અને વાળની સમસ્યા રહે છે. ત્વચા નિસ્તેજ થઈ ગઈ હોય અને વાળ પણ ખરાબ થતા હોય તો હળદર વાળું દૂધ પીવાની શરૂઆત કરી દો.
હળદરવાળું દૂધ પીવાથી ત્વચા અને વાળને ખૂબ જ લાભ થાય છે. ખાસ કરીને ત્વચા પર થયેલી ધાધર, ખંજવાળ, ખીલ અને ઓઇલી સ્કિન થી મુક્તિ મળે છે.
જે લોકોને શરદી, ઉધરસ અને તાવ ઝડપથી થઈ જતા હોય અને વારેવારે થતા હોય તેમને દૂધ અને હળદર રોજ પીવું જોઈએ. તેનું સેવન કરવાથી રોગપ્રતિકારક શક્તિ વધે છે અને વાયરલ રોગો પણ થતા નથી.
હળદર વાળું દૂધ રોજ પીવાથી ફેફસામાં કફ જામતો નથી અને જો જામી ગયો હોય તો તે પણ છૂટો પડીને નીકળી જાય છે. હળદર વાળું દૂધ હાડકાંને પણ મજબૂત કરે છે. આર્થરાઈટિસની સમસ્યા જેમને હોય તેમણે રોજ એક ગ્લાસ હળદરવાળું દૂધ પીવું જ જોઇએ.
જે લોકોને રાત્રે ઊંઘ બરાબર આવતી ન હોય તેમણે પણ હળદર વાળું દૂધ લેવું જોઈએ. રાત્રે હળદરવાળું દૂધ પીવાથી માનસિક શાંતિ મળે છે અને ઊંઘ ઝડપથી અને સારી આવે છે.
હળદરમાં એવા તત્વો હોય છે જે શરીરની ચરબીને બાળવામાં મદદ કરે છે. રોજ સવારે હળદરવાળું દૂધ પીવાથી વજન વધતું અટકે છે અને સ્થૂળતા દૂર થાય છે.
