સલાડમાં ખવાતી અલગ-અલગ વસ્તુઓમાંથી એક છે ગાજર. ગાજરમાં પૌષ્ટિક તત્વો ભરપૂર પ્રમાણમાં હોય છે. ગાજરનું સેવન કરવાથી શરીરની ઘણી ગંભીર સમસ્યાઓ દૂર થઇ શકે છે. ગાજર બારે માસ મળતું સલાડ છે. તેનો ઉપયોગ ત્વચાના રોગોથી લઈને રક્તશુદ્ધિ કરવામાં કરી શકાય છે.
ગાજરનો ઉપયોગ સલાડ ઉપરાંત મીઠાઈ બનાવવામાં, અથાણા બનાવવામાં અને શાક બનાવવામાં પણ કરાય છે. ગાજર ત્રણ પ્રકારના મળે છે. જેમાં એક છે નારંગી, બીજા કાળા અને ત્રીજા લાલ જે શિયાળાની ઋતુમાં સૌથી વધારે મળે છે.
ગાજર કોઈ પણ પ્રકારનું હોય પણ તેમાં પૌષ્ટિક ગુણો બધા જ પ્રકારના મળે છે. ગાજર અનેક પૌષ્ટિક તત્વોથી ભરપુર હોય છે. તેનું સેવન કરવાથી શરીરને ઘણા ફાયદા થાય છે.
ગાજરમાં એન્ટિ ઓક્સિડન્ટ તત્વો ભરપૂર પ્રમાણમાં હોય છે જે શરીરની નાની-મોટી અનેક બીમારીઓ દૂર કરે છે. ખાસ કરીને કાળા ગાજર અનેક સ્વાસ્થ્ય સમસ્યાઓમાં ઉપયોગી છે.
ગાજરમાં ફાઇબર, પોટેશિયમ, કેલ્શિયમ, આયરન, વિટામિન એ સહિતના પોષક તત્વો હોય છે. તેનું સેવન કરવાથી શરીરમાં કેન્સરના કોષ વધતા અટકે છે.
ગાજરમાં વિટામિન એ પણ ભરપૂર પ્રમાણમાં હોય છે જે આંખના સ્વાસ્થ્ય માટે ખૂબ જ સારું છે. ગાજરનું સેવન કરવાથી રક્તશુદ્ધિ થાય છે અને સાથે જ શરીરમાં રક્ત સંચાર પણ સારી રીતે થાય છે. ગાજર ખાવાથી ત્વચાની સમસ્યાઓ પણ દૂર થઈ જાય છે.
જે નિયમિત રીતે ગાજર ખાય છે તેની ત્વચા પર ગ્લો આવે છે. રોજ એક ગ્લાસ જ્યૂસ પીવાથી પણ ત્વચાના રોગ અને શરીરની સમસ્યાઓ દૂર થાય છે.
ગાજરમાં એન્ટી ડાયાબીટીક ગુણ હોય છે જે શરીરમાં સુગરનું પ્રમાણ કંટ્રોલમાં રાખે છે. રોજ એક ગ્લાસ ગાજરનો જ્યુસ પીવાથી ડાયાબીટીસની સમસ્યાથી બચી શકાય છે.
ગાજરનું સેવન કરવાથી પેશાબ સંબંધી સમસ્યાઓ પણ મટે છે. પેશાબ અટકી અટકીને ઉતરતો હોય તો રોજ એક ગ્લાસ ગાજરનો જ્યૂસ પીવાની શરૂઆત કરો.
ગાજરનો જ્યુસ પીવાથી શરીરની બળતરા પણ દૂર થાય છે. ગાજરનો જ્યુસ પીવાથી કે ગાજર ખાવાથી હાડકા પણ મજબુત બને છે. જે લોકોને વજન ઉતારવું હોય તેમણે ગાજરનો જ્યૂસ પીવો જોઈએ.
ગાજરમાં કેલેરીનું પ્રમાણ ખૂબ જ ઓછું હોય છે અને ફાઈબર વધારે હોય છે. તેનું નિયમિત રીતે સેવન કરવાથી વધતું વજન અટકે છે.
રોજ એક ગ્લાસ ગાજરનો જ્યુસ પીવાથી હૃદય પણ સ્વસ્થ રહે છે. ગાજરનો જ્યુસ પીવાથી હાર્ટ અટેક સ્ટ્રોક જેવી સમસ્યાથી બચી શકાય છે. કારણ કે તે શરીરમાંથી બેડ કોલેસ્ટ્રોલને ઘટાડે છે.
