કેલ્શિયમથી ભરપુર દૂધ અને તેમાં બદામ ઉમેરીને પીવાથી શરીરને ઊર્જા મળે છે. તેનું સેવન રાત્રે કરવાથી શરીરને બમણા લાભ થાય છે.
તેનાથી રોગ પ્રતિકારક શક્તિ વધે છે અને તેનાથી આરોગ્ય પણ સારું રહે છે. તેનાથી ઘણી બીમારીઓ પણ દુર થાય છે. તો ચાલો તમને જણાવીએ બદામવાળું દૂધ પીવાથી થતા લાભ વિશે.
રોજ રાત્રે બદામવાળું દૂધ પીવાથી ઊંઘ સારી આવે છે અને દિવસભર શરીરમાં ઊર્જા રહે છે. તેના માટે એક ગ્લાસ દૂધમાં 2 બદામ ઉમેરીને પીવાની છે.
બદામવાળું દૂધ પીવાથી પાચનક્રિયા સારી રહે છે. તેમાં ફાયબર ભરપુર પ્રમાણમાં હોય છે. તેથી તેને લેવાથી ડાયજેસ્ટિવ સિસ્ટમ સારી રીતે કાર્ય કરે છે. તેનાથી કબજિયાતની સમસ્યા દૂર થાય છે.
જે લોકોને એનિમીયા હોય એટલે કે શરીરમાં રક્તની ઊણપ હોય તેમણે પણ રાત્રે દૂધમાં બદામ ઉમેરીને પીવી જોઈએ. તેનાથી શરીરમાં આયર્ન વધે છે અને તેનાથી રક્તનું પ્રમાણ પણ વધે છે. તેનાથી શરીર બીમારીઓ સામે લડી શકે છે.
બદામવાળું દૂધ પીવાથી તણાવ ઓછો થાય છે. બદામવાળું દૂધ પીવાથી શરીરને ઠંડક મળે છે અને તેનાથી માનસિક ચિંતા પણ દૂર થાય છે. રોજ બદામવાળું દૂધ પીવાથી વજન પણ કંટ્રોલમાં રહે છે.
ઊંઘ સારી લાવવી હોય તો બદામવાળું દૂધ પીવાની શરુઆત કરી દો. રાત્રે સૂતા પહેલા એક ગ્લાસ દૂધ અનિંદ્રા દૂર કરે છે. અને મગજને પણ શાંત કરે છે. તેના કારણે ઊંઘ ગાઢ આવે છે.
બદામવાળું દૂધ રોજ પીવાથી શરીરમાં કેલ્શિયમની ઊણપ દૂર થાય છે. હાડકા માટે દૂધ વરદાન સમાન હોય છે. તેનું સેવન કરવાથી શરીરમાંથી વિટામીન ડીની ઊણપ દુર થાય છે. તેનાથી આર્થરાઈટિસ, દાંતની બીમારી પણ દૂર થાય છે.
બદામવાળું દૂધ પીવાથી કોલેસ્ટ્રોલ પણ કંટ્રોલમાં રહે છે. તેમાં સેચ્યુરેટેડ ફેટ નથી હોતું જેના કારણે બેડ કોલેસ્ટ્રોલ ઘટે છે.
એ વાતથી તમે અજાણ હશો કે બદામવાળું દૂધ પીવાથી આંખને પણ લાભ થાય છે. તેનાથી વિટામીન ઈ મળે છે જે આંખનું તેજ વધારે છે. તેનાથી મોતિયા સામે લડવામાં પણ મદદ મળે છે.
બદામવાળું દૂર કરવા માટે તમે બદામનો પાવડર કરીને ઉપયોગમાં લઈ શકો છો અથવા તો બદામને ખાંડી અને દૂધમાં ઉમેરી તેનું સેવન કરી શકો છો. કોઈપણ રીતે બદામનું દૂધ બનાવો પરંતુ તેનું સેવન નિયમિત કરવાનું રાખશો તો શરીરની સમસ્યાઓ ઝડપથી દૂર થશે.
