દોસ્તો જ્યારે ડ્રાય ફૂડની વાત કરવામાં આવે છે ત્યારે કાજુનું નામ સૌથી વધુ લેવામાં આવે છે. જેને ડ્રાયફ્રુટ્સનો રાજા માનવામાં આવે છે. કાજુ ખાવામાં જેટલા સ્વાદિષ્ટ હોય છે એટલા પોષક તત્વોથી સમૃદ્ધ હોય છે.
કાજુમાં પ્રોટીન, કેલ્શિયમ, આયર્ન, પોટેશિયમ અને એન્ટીઓક્સીડેન્ટ ભરપૂર માત્રામાં હોય છે, જેના કારણે તે હૃદય રોગ, એનિમિયા અને સાંધાના દુખાવા જેવી અનેક બીમારીઓથી બચવામાં મદદ કરે છે.
કાજુમાં હાજર કેલ્શિયમ અને મેગ્નેશિયમ હાડકાંને અંદરથી મજબૂત બનાવે છે. તેમાં રહેલું પ્રોટીન હાડકાંને નવી ઉર્જા આપવામાં ઘણી મદદ કરે છે. દરરોજ કાજૂનું સેવન કરવું શરીર માટે ખૂબ જ ફાયદાકારક છે.
જો તમે તમારા વજનને લઈને ખૂબ જ ચિંતિત છો તો તમે કાજૂનું નિયમિતપણે મર્યાદિત માત્રામાં સેવન કરી શકો છો. જે તમારા વજનને નિયંત્રિત કરવામાં કાજુ મહત્વપૂર્ણ ભૂમિકા ભજવી શકે છે. કાજુમાં ડાયેટરી ફાઈબર અને એનર્જી વધુ હોવાથી તે વજન ઘટાડવામાં મદદરૂપ છે.
કાજૂ ઉર્જાનો સારો સ્ત્રોત હોવાથી તેનું સેવન કરવાથી તમને નવી ઉર્જા મળે છે. વળી તેને કોઈપણ બાળક, વૃદ્ધ કે યુવાન વ્યક્તિ ખાઈ શકે છે. તેને મર્યાદિત માત્રામાં ખાવામાં કોઈ નુકસાન નથી, પરંતુ જો તમે વધુ ખાતા હોવ તો તમારે કસરત કરવાની પણ જરૂર છે.
કાજુમાં ફોલિક એસિડ મળી આવે છે, જે આપણા હૃદયને સ્વસ્થ બનાવવા માટે સારો સ્ત્રોત છે. ફોલિક એસિડ ઉપરાંત, તેમાં આયર્ન, મેગ્નેશિયમ, જસત જેવા મહત્વપૂર્ણ પોષક તત્વો હોય છે, જે શરીરમાં લોહીની ઉણપ અને હૃદયની માંસપેશીઓને રિપેર કરવામાં મદદ કરે છે. આના કારણે આપણું લોહી શરીરમાં યોગ્ય રીતે ફરતું રહે છે.
કાજુમાં વિટામિન ઈ અને સેલેનિયમ જેવા એન્ટી-ઓક્સીડેન્ટ હોય છે, જે કેન્સર જેવી ભયંકર બીમારીથી બચવામાં મદદ કરે છે. આ સાથે તેમાં હાજર ઝિંક શરીરને હાનિકારક ચેપ સામે લડવાની ક્ષમતા આપે છે.
કાજૂમાં સોડિયમનું પ્રમાણ ઓછું અને પોટેશિયમનું પ્રમાણ વધુ હોવાને કારણે તે રક્ત પરિભ્રમણને નિયંત્રિત કરવા માટે એક સારો સ્ત્રોત છે.
જ્યારે શરીરમાં સોડિયમની માત્રા વધારે હોય છે, ત્યારે શરીરમાં પાણીની કમી થવા લાગે છે, જેના કારણે બ્લડ પ્રેશર વધવા લાગે છે, તેથી જો તમે કાજુનું સેવન કરો છો તો તમારે આ સમસ્યામાં પરેશાન થવાની જરૂર નથી.
કાજુમાં ભરપૂર માત્રામાં પ્રોટીન હોય છે, જેના કારણે તે વાળ અને ત્વચાને સુધારવામાં ખૂબ મદદરૂપ છે. તેથી તમે ત્વચાને સુંદર બનાવવા માટે કાજુને પલાળી તેને બારીક પીસી શકો છો અને તેને તમારા ચહેરા પર લગાવી શકો છો, જેનાથી ચહેરા પર સુંદર ચમક આવે છે.
જો તમારી ત્વચા તૈલી હોય તો તમે કાજુને આખી રાત દૂધમાં પલાળીને રાખી શકો છો અને સવારે તેને બારીક પીસી તેમાં થોડી માત્રામાં મુલતાની માટી, લીંબુ અથવા દહીં મિક્સ કરીને ચહેરા પર લગાવી શકો છો. જેનાથી તમારા ચહેરા પરના ડાઘ પણ દૂર થવા લાગશે.
ડાયાબિટીસથી પીડિત લોકો માટે કાજુ ખાવા ખૂબ જ ફાયદાકારક સાબિત થાય છે. અમુક સંશોધકોએ તેમના અભ્યાસમાં શોધી કાઢ્યું છે કે કાજુ ઇન્સ્યુલિનની માત્રામાં વધારો કરે છે અને ડાયાબિટીસને નિયંત્રિત કરે છે. તેથી તમે ઓછામાં ઓછા દરરોજ 2 થી 4 કાજુ ખાઈ શકો છો.
