સ્વાસ્થ્ય તંદુરસ્ત રહે અને શરીર નિરોગી રહે તે માટે આપણે અલગ અલગ પ્રકારના ઉપાયો કરીએ છીએ. આ ઉપાયો કરવા માટેની મોટાભાગની વસ્તુઓ રસોડામાં ઉપલબ્ધ જ હોય છે.
કારણ કે આપણી રોજની રસોઈમાં જે મસાલા અને અન્ય વસ્તુઓનો ઉપયોગ થાય છે તે ઔષધિય ગુણ ધરાવે છે. તે રસોઈનો સ્વાદ વધારવાની સાથે સ્વાસ્થ્ય સમસ્યા પણ દુર કરી શકે છે.
આજે આવી જ એક મીઠી વસ્તુ વિશે તમને જાણકારી આપીએ. આ વસ્તુ છે ગોળ, મોટાભાગના લોકો ગોળનું આ રીતે સેવન કરવાથી થતા લાભથી અજાણ હોય છે. તો ચાલો આજે તમને જણાવી દઈએ અનિંદ્રા, પાચન સહિતની સમસ્યાને દુર કરતા ગોળના આ ઉપચાર વિશે.
ગોળ આયર્ન, પોટેશિયમ, સોડિયમ અને કેલ્શિયમથી ભરપુર હોય છે. તે શરીરની ઘણી સમસ્યાને દુર કરી શકે છે. ખાસ કરીને જો રાત્રે સુતા પહેલા તમે ગોળનો એક ટુકડો ખાઈ લેશો તો ઘણા સ્વાસ્થ્ય લાભ થશે. જેમકે..
1. રાત્રે ગોળનો એક ટુકડો ખાઈને સુવાથી રોગપ્રતિકારક શક્તિ સુધરે છે. કારણ કે ગોળ બનાવવામાં આમળાનો પાવડર પણ વપરાય છે જે વિટામીન સીથી ભરપુર હોય છે જે રોગ પ્રતિકારક શક્તિ વધારે છે.
2. રાત્રે ગોળનો એક ટુકડો ખાવાથી એનિમિયાની સમસ્યાથી મુક્તિ મળે છે. ગોળ ખાવાથી શરીરમાં આયર્નની ઊણપ સર્જાતી નથી અને સાથે જ તેનાથી શરીરમાં લાલ રક્ત કોશિકા વધે છે. જો શરીરમાં રક્તની ઊણપ હોય તો સતત થાક અને નબળાઈ લાગે છે. ગોળ ખાવાથી આ ઉણપ દુર થાય છે.
3. રાત્રે ગોળ ખાવાથી અનિંદ્રાની તકલીફ દુર થાય છે. રાત્રે ઊંઘ ન આવતી હોય તે વ્યક્તિએ તો ચોક્કસથી નિયમિત રીતે ગોળ ખાવો જોઈએ. તેનાથી ઊંઘ સારી આવે છે અને બીજા દિવસે શરીર ઊર્જાવાન રહે છે.
4. જો તમને પાચનતંત્ર સંબંધિત સમસ્યા હોય તો ગોળ ખાવાથી તે પણ દુર થાય છે. ગોળ પાચનક્રિયાને સુધારવાનું કામ કરે છે. ગોળ શરીરમાં ડાયજેસ્ટિવ એજન્ટ જેવું કામ કરે છે. તેના કારણે ખાધેલો ખોરાક ઝડપથી પચે છે.
5. ગોળ ખાવાથી બ્લડ પ્રેશર પણ કંટ્રોલમાં રહે છે. ગોળમાં આયર્ન વધારે હોય છે જે બ્લડ પ્રેશરને કંટ્રોલમાં કરે છે. હાઈ બ્લડ પ્રેશરની સમસ્યામાં ગોળ ખાવાથી ખૂબ જ ફાયદો થાય છે.
6. જંકફૂડ અને બિનઆરોગ્યપ્રદ વસ્તુઓ ખાવાથી ત્વચાની સમસ્યા થાય છે. આ સમસ્યાથી પણ ગોળ તમને મુક્ત કરી શકે છે. ગોળ ખાવાથી રક્ત શુદ્ધ થાય છે અને ત્વચા પર પડતા નિશાનને પણ દુર કરે છે. તેનાથી સોજા પણ ઉતરે છે.
