તમે શરીરમાં આ લક્ષણ દેખાય તો સમજી લેજો કે તમને છે હાર્ટ એટેકનો ખતરો

હૃદય એક સ્નાયુબદ્ધ પંપ છે જે મુઠ્ઠી કરતા થોડો મોટો હોય છે. તે આપણાં શરીરમાં સંચાર પ્રણાલી દ્વારા લોહી પંપ કરે છે. લોહી પોતે જ હૃદયમાંથી શરીરના દરેક કોષમાં યોગ્ય સમયે ઓક્સિજન પહોંચાડવાનું કામ કરે છે. 

તમારું હૃદય ઓક્સિજનયુક્ત લોહીને ફેફસાંમાંથી હૃદય સુધી અને પછી શરીરના અન્ય ભાગમાં પંપ કરે છે. હાર્ટ ફાઉન્ડેશન અનુસાર, જ્યારે હૃદયમાં કોઈ સમસ્યા હોય ત્યારે લોહીનો પ્રવાહ પ્રભાવિત થાય છે અને તેના કારણે તે ક્ષતિગ્રસ્ત થવાં લાગે છે.

જો આ અવરોધ લાંબા સમય સુધી ચાલુ રહે, તો તે ધીમે ધીમે જીવલેણ બની શકે છે. આવી સ્થિતિમાં, જો લોહીનો પ્રવાહ યોગ્ય સમયે ફરી શરૂ કરવામાં ન આવે અથવા જો તેની તાત્કાલિક સારવાર કરવામાં ન આવે, તો તે મૃત્યુનું જોખમ બની જાય છે અને હૃદયરોગના હુમલાને કારણે મૃત્યુ તરફ દોરી શકે છે.

હાર્ટ એટેક પહેલા લક્ષણો

છાતીમાં બેચેની અથવા દુખાવો- જો તમને છાતીમાં અસહ્ય દબાણ, પીડા, નિષ્ક્રિયતા, સંકોચ, પૂર્ણતા અથવા તમારી છાતીમાં દુખાવો જેવું લાગે છે, તો તેને અવગણવું જોઈએ નહીં. 

જો આ બેચેની તમારા હાથ, ગરદન, જડબા અથવા પીઠ સુધી ફેલાઈ રહી છે, તો તમારે સાવચેત રહેવું જોઈએ અને શક્ય તેટલી વહેલી તકે હોસ્પિટલ પહોંચવું જોઈએ. આ હાર્ટ એટેક આવવાની થોડી મિનિટો કે કલાકો પહેલા લક્ષણો છે.

થાક લાગે છે- જો કોઈ મહેનત કે કામ વગર થાક લાગતો હોય તો તે હૃદય હુમલાનું એલાર્મ હોય શકે છે. હકીકતમાં, જ્યારે કોલેસ્ટ્રોલને કારણે હૃદયની ધમનીઓ બંધ અથવા સાંકડી થઈ જાય છે, 

ત્યારે હૃદયને વધું મહેનત કરવાની જરૂર પડે છે. જેના કારણે તમને જલ્દી થાક લાગવા લાગે છે. આવી સ્થિતિમાં, જો તમે સારી રાતની નિંદર પછી પણ આળસ અને થાક અનુભવી રહ્યા છો, તો તે એલાર્મ બની શકે છે.

ચક્કર અથવા ઉબકા આવવા- જો તમને દિવસમાં ઘણી વખત ચક્કર આવે છે, ઉલટી થાય છે અને તમે બેચેની અનુભવો છો, તો આ હૃદય હુમલાના લક્ષણ પણ હોય શકે છે. હકીકતમાં જ્યારે તમારું હૃદય નબળું થઈ જાય છે,

ત્યારે તેના દ્વારા લોહીનું પરિભ્રમણ પણ મર્યાદિત થઈ જાય છે. આવી સ્થિતિમાં જરૂરિયાત મુજબ મગજ સુધી ઓક્સિજન પહોંચતો નથી. તેના કારણે ચક્કર આવવા અથવા માથામાં ભારે જેવી સમસ્યાઓ થવા લાગે છે.

શ્વાસની તકલીફ- જો તમને શ્વાસ લેવામાં અથવા શ્વાસની તકલીફમાં કોઈ પ્રકારનો તફાવત લાગે છે, તો આ હાર્ટ એટેકનું લક્ષણ પણ હોય શકે છે. જ્યારે હૃદય પોતાનું કામ યોગ્ય રીતે કરી શકતું નથી.

ત્યારે ઓક્સિજનનો યોગ્ય જથ્થો ફેફસાં સુધી પહોંચતો નથી. આ કારણે શ્વાસ લેવામાં તકલીફ શરૂ થાય છે. જો તમારી સાથે પણ આવું જ કંઈક થઈ રહ્યું છે તો મોડું કર્યા વિના તરત જ તમારા ડોક્ટરનો સંપર્ક કરો અને જરૂરી પરીક્ષણો કરાવો.

Leave a Comment